विभागाविषयी

हिंगणा पंचायत समिती ही नागपूर जिल्ह्यातील पंचायत राज व्यवस्थेतील एक मध्यवर्ती संस्था आहे, जी ग्रामपंचायत आणि जिल्हा परिषद यांच्यात समन्वय साधण्याचे काम करते, तसेच विविध विकास योजनांची अंमलबजावणी करते. कामाचे नियोजन, वेळेचे व्यवस्थापन यांसह दस्तऐवजांचे वर्गीकरण अशा सर्व बाबींच्या माध्यमातून हिंगणा पंचायत समितीने आय.एस.ओ. मानांकन मिळविले आहे. अशा प्रकारचा बहुमान मिळविणारी जिल्ह्यातील तिसरी, तर चालू आर्थिक वर्षातील ही पहिली पंचायत समिती ठरली आहे. या कामांची पाहणी आय.एस.ओ. मानांकन पथकाकडून करण्यात आली. पथकाचे समाधान झाल्याने आय.एस.ओ. मानांकन देत पंचायत समिती प्रशासनाचा गौरव करण्यात आला. ग्लोबल सर्टिफिकेशन संस्थेचे अंकेक्षण अधिकारी विनोद कोल्हे यांच्या हस्ते पंचायत समितीचे गट विकास अधिकारी मनोज हिरुडकर यांनी हे प्रमाणपत्र स्वीकारले.